Moskvada keçirilən güləş üzrə Avropa Millətlər Kuboku yarışları tədricən finişə yaxınlaşan 2013-cü ildə idmanın bu növü üzrə yüksək səviyyəli sonuncu turnirlərdən biridir.  Rusiya paytaxtında Azərbaycanı qadın güləşçilər və yunan-Roma güləşi ustaları təmsil edirlər.

Birinci olaraq mübarizəyə qadınlardan ibarət komandalar başlamışlar.  Azərbaycan yığmasının rəqibləri yarış sahibləri Rusiya güləşçiləri, Ukrayna, Polşa, Almaniya və Bolqarıstan yığmalarıdır.  Qalib komanda və mükafatçıları müəyyənləşdirən final matçları dünən axşam keçirilmişdir.

Bu gün  isə xalça üzərində qadın güləşçiləri “klassiklər” əvəz edəcəklər.  İki gün davam edəcək bu turnirdə Azərbaycan, Rusiya, Bolqarıstan , Türkiyə, Gürcüstan və Ermənistan komandaları rəqabət aparacaqlar.

Oqtay BAYRAMOV,

 “Xalq qəzeti”