Oktyabr ayının 27-si səmti müəyyənetmə idman növü üzrə növbəti  açıq respublika çempionatı keçiriləcək. Binəqədi rayonundakı yeni avtovağzalın arxasındakı ərazidə baş tutacaq yarışa 11.00-da start veriləcəkdir. “Elit”, “Open” və “Junior” kateqoriyaları üzrə keçiriləcək yarışın “Elit” qrupu elektron qeydolunma sisteminin tətbiqi ilə həyata keçiriləcəkdir.

Yarış 2013-cü ildə çəkilmiş səmti müəyyənetmə idmanı üzrə yarışın keçirilməsi üçün bütün beynəlxalq standartlara cavab verən yeni idman xəritəsi üzrə keçirilir.

Təxminən 150 nəfərədək idmançının qatılacağı gözlənilən yarış Binəqədi Rayon İcra Hakimiyyətinin təşkilati dəstəyi ilə keçiriləcəkdir.

“Xalq qəzeti”