Budapeştdə güləş üzrə dünya çempionatına “klassiklərin” görüşləri ilə yekun vurulmuşdur. Azərbaycan idmançıları güləşin bu növündə iki medala sahib olmuşlar.

Saman Təhmasibi (84 kq) çempionata inamla başlayaraq, finaladək qələbə ardınca qələbə qazanmış və yalnız həlledici görüşdə iranlı Talıb Nemətpura uduzmuşdur. Lakin gümüş mükafat da azərbaycanlı yunan-Roma güləş ustasının böyük müvəffəqiyyətidir. Yığmamıza daha bir medalı isə 96 kq çəki dərəcəsində çıxışlarını üçüncü yerdə bürünc mükafatla başa vuran Şalva Qadabadze (96 kq) qazandırmışdır. 

Oqtay BAYRAMOV, “Xalq qəzeti”