Qrosmeyster  Namiq  Quliyev Avstriyanın  paytaxtı  Vyanada keçirilən beynəlxalq turnirdə liderlər qrupunda irəliləyir.  O,altı turdan sonra 5 xal toplamışdır.  Quliyev turnir cədvəlinə başçılıq  edən Almaniya, Rusiya və Koreya təmsilçilərindən yarım xal geri qalır.

 Azərbaycan şahmat məktəbinin daha bir yetirməsi Nicat Abbasov isə bu günlər İtaliyanın Bratta şəhərində beynəlxalq turnirin  mükafatları uğrunda mübarizə aparır. Abbasov altı görüşdə 4,5 xal qazanmışdır.Turnirin liderləri  hərəyə 5 xala malik Andrey Pumets (Ukrayna) və Aleksandr Çolovicdir (Makedoniya).

Oqtay BAYRAMOV,

 “Xalq qəzeti”