Azərbaycan idmançıları ötən bazar günü Sofiyada başa çatmış gənclər arasında sərbəst güləş üzrə dünya çempionatından ölkəmizə beş medalla qayıtmışlar.

Təmsilçilərimiz arasında ən böyük müvəffəqiyyətə 60 kq çəki dərəcəsində çıxış edən Əhmədnəbi Qvarzatilov nail olmuşdur. O, bütün rəqiblərinə qalib gələrək qızıl mükafat qazanmışdır.

Dörd güləşçimiz Hacımurad Ömərov (66 kq), Bəxtiyar İsrafilli (74 kq), Məhəmməd Abdulxalıqov (84 kq) və Əli Məhəmmədabirov (120 kq) isə dünya çempionatında çıxışlarını bürünc medalla başa vurmuşlar.