Bakı Şəhər Gənclər və İdman Baş İdarəsi, Azərbaycan Gimnastika Federasiyasının birgə təşkilatçılığı ilə Sərhədçi İdman Olimpiya Mərkəzində idman və akrobatika gimnastikası, tamblinq üzrə Bakı şəhər birinciliyi keçirilmişdir.

Yarışlarda  Bakı Gimnastika Məktəbi, Respublika Olimpiya İdman Liseyi, Nizami Rayon İdman Məktəbi, “Neftçi” İSM, “Təhsil” RİM-i təmsil edən 107 gimnast iştirak etmişdir. Yekun nəticələrə görə Cavidan Nəsib, Adil Hacızadə, Lalə Hüseynova, Xoşqədəm Quliyeva, Ruhidil Qurbanlı, Aygün Əhmədova, Elçin Əlibəyov, Emin Gülməmmədli, Anastasiya Quliyeva, Səmra Əsgərzadə, Ceyla Zakiryayeva, Emin Musayev, Canbaxış Sultanlı, Bəxtiyar İbrahimov, Cəlal İbrahimov, Trerov Nikita, Jalə Abbasova, Şakir Şıxaliyev, Tofiq Əliyev, Azad Həsənov, Holli Onslou, Abdulla Valid müvafiq növlər üzrə birinci yerə layiq görülmüşlər.

Yarışlarda fərqlənmiş idmançılar Bakı Şəhər Gənclər və İdman Baş İdarəsi tərəfindən müvafiq dərəcəli diplomlar və xatirə hədiyyələri ilə təltif  olunmuşlar.

Leyla QURBANOVA,

“Xalq qəzeti”