Rusiyanın  Xantı-Mansiysk şəhərində  sürətli  şahmatın rapid  növü  üzrə  Dünya kuboku  turnirinə  start verilmişdir.  Bu yarışın  iştirakçıları  arasında azərbaycanlı qrossmeysterlər Şəhriyar Məmmədyarov  və Rauf  Məmmədov da vardır.

Turnir  15  turdan  ibarətdir.  İlk beş turun  görüşləri  günən  keçirilmişdir.  Bu gün  və sabah  isə  6-10-cu və 11-15-ci  turların  oyunları  olacaq.

Rapid turnirinə  yekun vurulduqdan dərhal sonra  rəqiblər  iki gün  ərzində (9-10 oyun) blits yarışına  ən  güclüləri müəyyənləşdirəcəklər.

Bu arada o da  məlum  olmuşdur ki,  FİDE-nin  “Qran-Pri”  yarışları  seriyasından  beşinci  mərhələ Pekində  təşkil olunacaq.  İyulun  3-dən 17-dək  keçiriləcək  bu yarışda  ölkəmizi  Məmmədyarov və Teymur  Rəcəbov  təmsil  edəcəklər.

Oqtay BAYRAMOV,
“Xalq qəzeti”