Azərbaycanın qadınlardan ibarət yığma komandasının güləşçiləri Avstriyada keçirilmiş beynəlxalq turnirdə yaxşı hazırlıq və əsl qələbə əzmi nümayiş etdirmişlər. Təmsilçilərimizdən beş nəfəri çıxışlarını fəxri kürsüdə başa vurmuşdur. Onlara 3 qızıl və 2 bürünc medal təqdim olunmuşdur.

London Olimpiadasının bürünc mükafatçısı, 59 kq çəki dərəcəsində yarışan Yuliya Ramkeviç, eləcə də Anna Belyayeva (63 kq ) və Natalya Palamarçuk (67 kq) bütün rəqiblərinə qalib gələrək qızıl medalların sevincini yaşamışlar. Bürünc mükafatları isə İrina Netreba (59 kq) və Dina İvanova (72 kq) qazanmışlar.

Oqtay BAYRAMOV, “Xalq qəzeti”