Azərbaycan ağırlıqqaldıranalrı Perunun paytaxtı Limada keçirilən gənclər arasınsda dünya birinciliyində daha bir medal qazanmışlar. Bu dəfə fəxri kürsüdə təbrikləri Nicat Rəhimov qəbul etmişdir. Atletimiz 77 kq çəki dərəcəsində çıxışlarını gümüş mükafatla başa vurmuşdur.

Üç il əvvəl Sinqapurda Yeniyetmələrin I Olimpiya Oyunlarının qalibi olmuş Nicat Limada gənclərin dünya birinciliyində də yaxşı hazırlıq nümayiş etdirmişdir. O, birdən 153, təkanla 187 kq ağırlıq qaldırmış və iki hərəkətin cəmində 340 kq nəticə ilə ikinci yeri tutmuşdur.

Rəhimovun gümüş medalı Azərbaycan  idmançılarının Peruda qazandıqları sayca üçüncü mükafatdır. Xatırladaq ki, ondan əvvəl Valentin Xristov (62 kq) qızıl və Firudin Quliyev (69 kq) bürünc medalların sevincini yaşamışdılar.

Oqtay BAYRAMOV,
“Xalq qəzeti”