Bu gün futbol üzrə Azərbaycan kuboku yarışlarında yarımfinal mərhələsinin ilk oyunları keçiriləcəkdir. Bu görüşlərdən birində “Neftçi” ilə “Qarabağ”, digərində isə “Bakı” və “Xəzər-Lənkəran” bir-birinin müqavimətini qırıb finala çıxmaq üçün özlərinə yaxşı zəmin yaratmağa çalışacaqlar.

Əgər “Neftçi” və Ağdam klubu Topaz Premyer Liqasında da uğurla çıxış edib turnir cədvəlinin ilk iki pilləsində inamla irəliləyirlərsə, çempionatda medal qazanmaq imkanını itirmiş “Bakı” və “Xəzər-Lənkəran”ın bütün ümidləri kubokadır. Maraqlıdır, finalın astanasında ilk oyunlar necə nəticələnəcək, bir həftədən sonra keçiriləcək cavab görüşlərində kim meydançaya daha yaxşı əhval-ruhiyyə ilə çıxacaq...

Oqtay BAYRAMOV,
“Xalq qəzeti”