Azərbaycan şahmatçısı Eltac Səfərli Fransanın Kann şəhərində yenicə başa çatmış beynəlxalq turnirdə uğurla çıxış etmişdir. Qrossmeysterimiz 9 mümkün xaldan 7 xal toplyaraq yarışın üçüncü mükafatçısı olmuşdur.

Finişə ikinci mövqedə çatan Argentina təmsilçisi Ruben Felqaer də Səfərli ilə eyni nəticə göstərmiş, ancaq əlavə göstəricilərə görə onu qabaqlamışdır. Turnirin qalibi adını isə ikinci-üçüncü mükafatçılardan yarım xal çox toplayan Hindistan şahmatçısı Kore Akşayrac qazanmışdır.

Bu xəbərə onu da əlavə edək ki, İranın Rəşt şəhərində təşkil olunmuş 11-ci “Xəzər open” beynəlxalq turnirində altı turun görüşləri artıq arxada qalmışdır. Turnir cədvəlinə hərəyə 5 xal toplayan beş iştirakçı başçılıq edir. Liderlərdən biri də həmyerlimiz Misrəddin İsgəndərovdur.

Oqtay BAYRAMOV,
“Xalq qəzeti”