Ötən həftə yay Olimpiya idmanı növləri olan stend atıcılığı, triatlon, baydarka və kanoedə avarçəkmə üzrə üç Avropa çempionatı başa çatmışdır. Həmin turnirlərdən sonra 2010-cu ildə qitə səviyyəsində 119 Olimpiya mükafatı dəsti oynanılmışdır. Azərbaycan yığması 15 medal, o cümlədən 7 qızıl, 4 gümüş və 4 bürünc medalla ümumkomanda hesabında dördüncü yeri tutur.
Ümumkomanda hesabında lider olan Rusiya 64 medal - 30 qızıl, 22 gümüş və 12 bürünc qazanmışdır.
İdmanın Olimpiya növləri olan yüngül atletika, üzgüçülük, boks üzrə dünya çempionatlarının keçirilmədiyi yay mövsümündə üstünlük Avropa turnirlərinə verilir. İdmanın 40 Olimpiya növündən 19-u badminton, idman gimnastika, kişi boksu, bədii gimnastika, qılıncoynatma, sərbəst, yunan-Roma və qadın güləşi, oxatma, taekvondo, baydarka və kanoedə avarçəkmə, kişi həndbolu, cüdo, ağır atletika, yelkənli qayıq idmanı, stend atıcılığı , güllə atıcılığı və triatlon üzrə Avropa çempionatları başa çatmışdır.
AzərTAc{nl}