Bakının “Rabitə” klubu qadın voleybol komandaları arasında Çempionlar Liqası turnirinin ikinci pley-off mərhələsində Rusiyanın “Dinamo” (Kazan) kollektivinə ikinci dəfə qalib gələrək “Dördlər finalı”na vəsiqə qazanmışdır. Bir həftə əvvəl rəqib meydançasında olduğu kimi paytaxtımızda da Azərbaycan çempionunun xeyrinə 3:1 hesabı qeydə alınmışdır.

Martın 9-10-da İstanbulda keçiriləcək həlledici mərhələdə Avropa klub voleybolunun ən nüfuzlu yarışının mükafatları uğrunda “Rabitə” ilə yanaşı Türkiyənin  “Qalatasaray”, “Vakifbank” komandaları və “Yamamay” (İtaliya) mübarizə aparacaqlar. Yarımfinallardan birində Azərbaycan voleybolçuları italyanlarla görüşəcəklər, digərində isə Türkiyə klubları üz-üzə gələcəklər. Bu oyunların qalibləri finala çıxıb həlledici oyunda Çempionlar Liqasının ən yaxşı komandasını müəyyənləşdirəcəklər.

Oqtay BAYRAMOV,
“Xalq qəzeti”