Fevralın 5-də Cənubi Koreyanın Pyeonq Chanq şəhərində Ümumdünya Xüsusi Qış Olimpiya Oyunları keçirilmişdir. Bu mötəbər yarışda ölkəmizi Azərbaycan Xüsusi Olimpiya Komitəsinin döşəmə üzərində xokkey yığma komandası təmsil etmişdir.

Xokkeyçilərimiz oyunların II divizionunda İtaliya yığmasına 1:0, Qibraltar idmançılarına 7:1 hesabı ilə qalib gəlmiş, İsveç yığması ilə heç-heçə  oynamışlar.

Finalda Misir yığmasına 0:2 hesabı ilə məğlub olan yığmamız Ümumdünya Xüsusi Qış Olimpiya Oyunlarının gümüş medalına layiq görülmüşdür.

Leyla QURBANOVA,
“Xalq qəzeti”