Bakıda 20 Yanvar şəhidi Müşviq İsayevin xatirəsinə həsr edilən yeniyetmələr arasında sərbəst

güləş üzrə beynəlxalq turnir başa çatmışdır. Artıq ənənə halını almış bu yarışın iştirakçıları on çəki dərəcəsində rəqabət aparmışlar.

Azərbaycan güləşçiləri turnirdə daha yaxşı hazırlıq nümayiş etdirmişlər. Xalça sahiblərindən altı nəfəri çıxışlarını fəxri kürsünün ən yüksək pilləsində başa vurmuşdur. Fazil Həsənov (46 kq), Mahir Əmiraslanov (50 kq), Məhəmmədəli Əliyev (58 kq),  Teymur Məhəmmədov (63 kq), Məhəmmədrəsul Qazıməmmədov (76 kq) və Turxan Qurbanov (85 kq) bütün rəqiblərinə qalib gələrək qızıl medal qazanmışlar.

Qalan dörd çəki dərəcəsindən ikisində gürcüstanlı qonaqlarımız, daha ikisində isə Rusiya və Özbəkistan güləşçiləri qalib gəlmişlər.