Azərbaycanın 19 yaşadək futbolçulardan ibarət yığma komandası yeni ildə keçirdiyi elə ilk oyunda qələbələrinin hesabını açmışdır. Arif Əsədovun yetirmələri Sankt - Peterburqda Valentin Qranatkinin xatirəsinə həsr edilmiş ənənəvi beynəlxalq turnirin startında litvalı yaşıdları ilə qarşılaşmış və gərgin mübarizə şəraitində davam edən görüşdən qalib ayrılmışlar - 3:2.

Bu rəqiblərin çıxış etdikləri “A” qrupunda Çexiya və Ukrayna komandalarının görüşündə isə 3:3 hesabı qeydə alınmışdır. Nəticədə Azərbaycan futbolçuları birinci turdan sonra qrupun lideri olmuşlar.

Turnirdə daha dörd kollektiv “B”qrupunda mübarizə aparır. Qrupların qalibləri finalda öz aralarında keçirəcəkləri görüşdə baş mükaftın sahibini müəyyənləşdirəcəklər.

Yığmamız ikinci oyununu dünən Çexiya komandasına qarşı keçirmişdir. Sabah isə Azərbaycan futbolçuları ukraynalı rəqibləri ilə görüşəcəklər.

 “Xalq qəzeti”