Püşk nəticəsində Bakı şahmmatçıları İstanbul (Türkiyə), Astana (Qazaxıstan) və Timişoara (Rumıniya) komandaları ilə birlikdə 4-cü qrupda çıxış edirlər.Yığmamız startda  İstanbul komandasına 3:1 hesabı ilə qalib gəlmişdir. Təmsilçilərimizdən Eltac Səfərli və Vasif Durarbəyli qələbə qazanmış, Qədir Hüseynov və Rauf Məmmədov öz görüşlərini heç-heçə başa çatdırmışlar.

İkinci turda Bakı-Astana matçında 2:2 hesabı qeydə alınmışdır. Səfərli, Rauf Məmmədov, Nicat Məmmədov və Durarbəyli rəqibləri ilə heç-heçəyə razılaşmışlar.

Çempionatın ilk iki günündə bu qrupda keçirilmiş digər matçlar belə nəticələnmişdir: Astana - Timişoara - 2,5:1,5, İstanbul - Timişoara-3:1.

İki turdan sonra qrupda 3 xala malik Bakı komandası liderdir. İkinci pillədə olan  Astananın da 3 xalı var. Lakin əlavə göstəricilər Azərbaycan paytaxtı komandasında daha yaxşıdır. İstanbul 2 xal toplamış, Timişoara isə hələlik xallarının hesabını aca bilməmişdir.

Dünən axşam keçirilən üçüncü turda Bakı şahmatçıları Timişoara komandası ilə görüşmüşlər.

 “Xalq qəzeti”