Azərbaycan boksçuları Bakı İdman Sarayında başa çatmış tələbələr arasında dünya çempionatında inamla çıxış edərək pərəstişkarlarının ümidini tam doğrutmuşlar. 
Dəri əlcək ustalarmızdan beş nəfəri bütün rəqiblərinə qalib gələrək qızıl medalların sevincini yaşamış, iki boksçumuz isə yalnız finalda uduzub gümüş mükafatçı olmuşdur.
Rinq sahiblərindən dünya çempionatının qalibi adını Salman Əlizadə (49 kq), Samir Məmmədov (52 kq), Şaban Şahpələngov (60 kq), Tamerlan Abdullayev (69 kq) və Emin Əhmədov (75 kq) qazanmışlar. Gümüş medallar Cavid Çələbiyev (56 kq) və Heybətulla Hacıəliyevə (64 kq) təqdim olunmuşdur.

Oqtay BAYRAMOV, "Xalq qəzeti"