Cüdo üzrə paytaxt qalibləri müəyyənləşmişdir
Şağan Olimpiya İdman Kompleksində Bakı Şəhər Gənclər və idman Baş İdarəsi tərəfindən keçirilən cüdo üzrə kişilər və qadınlar arasında Bakı çempionatına yekun vurulmuşdur.
İki gün davam edən yarışda Bakının klub və cəmiyyətlərindən 250-yə yaxın cüdoçu mübarizə aparmışdır. Kişilər arasında keçirilən yarışda Asim Xələfov (60 kq, KKT), Turan Seyidov (66 kq, "Neftçi" İSM), İsmayıl Piriyev (73 kq, "Neftçi" İSM), Həbib Alıyev (81 kq, DİN), Firudin Dadaşov (90 kq, "Neftçi" İSM), Sain Məmmədov (100 kq, ATT), Andrey Fatiyev (100 + kq, DİN) qalib olmuşlar. Qadınların mübarizəsində isə Turana Seyidi (52 kq, "Neftçi" İSM), Fəridə Həsənxanova (57 kq, "Neftçi" İSM), Şəhanə Hüseynova (63 kq, Gömrük), İnna Ostorojnova (70 kq, "Neftçi" İSM), Leyla İskəndərli (78 kq, "Neftçi" İSM) fərqlənmişlər.
I, II və III yeri tutmuş idmançılar baş idarə tərəfindən müvafiq dərəcəli diplomlar və xatirə hədiyyələri ilə təltif olunmuşlar.

Qol güləşi üzrə Bakı kuboku keçirilmişdir

Bakı Şəhər Gənclər və İdman Baş İdarəsinin tədbirlər planına uyğun olaraq "Ağ at" idman klubunda qol güləşi üzrə Bakı şəhər kuboku keçirilmişdir. Yarışda "Saleh" İK, "Rauf" İK, "Məhsul" İC, "Emir" İK, "Qol güləşi" İK-dan 68 idmançı qüvvəsini sınamışdır. Yarışın nəticələrinə görə Şamo Hüseynov (55 kq), Hüseyn Amanlı (60 kq), İlqar Musayev (65 kq), Qismət Vəkilov (70 kq), Ənvər Hüseynov (75 kq), Nuru Hüseynov (85 kq), Vüsal Cəmilov (90 kq), Şahin Kələyev (100 kq) birinci yeri tutmuşlar. Komanda hesabında "Saleh" idman klubunun təmsilçiləri kuboka sahib olmuşlar. Qalib idmançılar Bakı Şəhər Gənclər və İdman Baş İdarəsi tərəfindən müvafiq dərəcəli diplomlar və xatirə hədiyyələri ilə təltif olunmuşlar.

Leyla QURBANOVA, "Xalq qəzeti"