London Yay Paralimpiya Oyunlarına yüksək səviyyədə hazırlıq keçmişəm.
AzərTAc xəbər verir ki, bu sözləri paralimpiya yığmamızın bayraqdarı, ikiqat Paralimpiya çempionu, cüdoçu İlham Zəkiyev demişdir.
Bildirmişdir ki, əsas məqsədi qızıl medal qazanmaqdır: "Üçüncü dəfə Paralimpiya çempionu olmağa hazıram. Ümid edirəm ki, London Yay Paralimpiya Oyunlarında Azərbaycanın medalları əvvəlki Paralimpiya oyunlarındakından daha çox olacaqdır".
Qeyd edək ki, Azərbaycanı London Yay Paralimpiya Oyunlarında 21 idmançı təmsil edəcəkdir.