London Yay Olimpiya Oyunlarına böyük ümidlərlə yollanıram.Bu sözləri olimpiya yığmamızın bayraqdarı, Pekin Yay Olimpiya Oyunlarının qalibi cüdoçu Elnur Məmmədli demişdir.
Bildirmişdir ki, əsas məqsədim qızıl medal qazanmaqdır. İkinci dəfə olimpiya çempionu olmağa hazıram. Amma iyulun 31-dək gözləməyinizi xahiş edirəm. Onda nəyə qadir olduğumu deyə biləcəyəm. Ümid edirəm ki, London Yay Olimpiya Oyunlarında Azərbaycanın medalları əvvəlki olimpiya oyunlarındakından daha çox olacaqdır.
Qeyd edək ki, Azərbaycanı London Yay Olimpiya Oyunlarında 16 idman növündə 53 idmançı təmsil edəcəkdir.