Moskvada keçirilən Avropa çempionatında 48 kiloqram çəki dərəcəsində mübarizə aparan yeganə boksçumuz Elvin Məmişzadə yarımfinala vəsiqə qazanıb. O, finalda ötən ilin dünya çempionu, Rusiya bayrağı altında çıxış edən erməni David Ayrapetyanla qarşılaşıb. Döyüş azərbaycanlı idmançının 5:3 hesablı qələbəsi ilə başa çatıb.
Beləliklə, Elvin Məmişzadə Avropa çempionatının medallarından birini özü üçün təmin edib. O, yarımfinal və finalda qalib gəlməklə gümüş və ya qızıl medal qazana bilər. Ən pis halda isə həmyerlimizi bürünc medal gözləyir.
Qeyd edək ki, Elvin Məmmişzadə Azərbaycan millisinin mübarizəni davam etdirən sonuncu üzvüdür. Digər 10 həmyerlimiz mübarizəni dayandırmalı olub.
Artıq Elvin Məmişzadənin bu mərhələdəki rəqibi müəyyənləşib. Boksçumuz finala vəsiqə qazanmaq uğrunda yenə də erməni əsilli idmançı ilə qarşılaşmalı olacaq. Belə ki, o Ermənistan təmsilçisi Qraçik Dcavaxyanla mübarizə aparacaq.
Ümid edirik ki, həmyerlimiz bu dəfə də uğur qazanacaqdır.

Mahmud QƏZƏNFƏROĞLU "Xalq qəzeti"