İyulun 6-8-də Bakıda boulinq üzrə I beynəlxalq"Prezident Kuboku" keçiriləcək. Boulinq Federasiyasından verilən məlumata görə, yarışlarda ölkəmizin təmsilçiləri ilə yanaşı, Rusiya, Qazaxıstan, Belarus, Özbəkistan, Latviya, Ukrayna və Litvanın idmançıları da mübarizə aparacaqlar.
Beynəlxalq turnirin mükafat fondu 10 min ABŞ dollarıdır.
Paytaxtın ən güclü futbol komandası müəyyənləşib
Futbol üzrə Bakı şəhər çempionatına yekun vurulub. İki yarımqrupda 14 komandanın qüvvəsini sınadığı oyunların finalına "İnter" (Zabrat), "Svit", "Binə", "Səma" komandaları vəsiqə qazanıblar. "Binə" komandası ilə mübarizə aparan "İnter" 1:0 hesabı ilə qalib gələrək birinci yeri tutub. "Svit" və "Səma" komandaları arasında gedən mübarizədə isə "Səma" 2:0 hesabı ilə qalib gələrək, üçüncü yerə sahib olub.
Mükafatalayiq yerlər tutmuş komandalar Bakı Şəhər Gənclər və İdman Baş İdarəsi tərəfindən kubok, müvafiq dərəcəli diplomlar və xatirə hədiyyələri ilə təltif olunublar.

Leyla QURBANOVA, "Xalq qəzeti"