Beş gün ərzində Bakının 2020-ci ildə Olimpiya Oyunlarına ev sahibliyinə namizədliyini 100 mindən çox Azərbaycan vətəndaşı dəstəkləmişdir. 
İmzalar "Bakı-2020"-nin Təşkilat Komitəsi və Azərbaycan Tələbə Gənclər Təşkilatları İttifaqı (ATGTİ) tərəfindən keçirilən dəstək kampaniyası çərçivəsində toplanmışdır.
ATGTİ-nin mətbuat katibliyindən AzərTAc-a bildirmişlər ki, imzaların 40 mini Bakı şəhərinin, 60 mindən çoxu isə regionların payına düşür. Bununla kifayətlənməyən gənclər martın 31-dək müxtəlif ali və orta ixtisas təhsili müəssisələrində, paytaxtın ticarət mərkəzlərində, mərkəzi küçələrində və meydanlarında əhalinin kampaniyaya dəstəyini qazanmaq üçün səylərini davam etdirəcəklər.