Noyabrın 11-də Yunanıstanın Porto-Karras şəhərində şahmat komandaları arasında Avropa çempionatına yekun vurulmuşdur.
Sonuncu - 9-cu turda kişi şahmatçıların yarışında Ermənistan komandasına qalib gələn Almaniya komandası 15 xalla Avropa çempionu adını qazanmışdır. Azərbaycan şahmatçıları 14 xalla gümüş, Macarıstan komandası 13 xalla bürünc medalların sahibi olmuşdur.
Qadın şahmatçılardan ibarət komandaların yarışında Azərbaycan komandası zəif çıxış edərək 8 xalla 20-ci yeri tutmuşdur.