İtaliyanın Liqnano şəhərində keçirilən gənclər və yeniyetmələr arasında WAKO Avropa birinciliyində 35 ölkənin 1400-dən çox idmançısı iştirak etmişdir. WAKO-nun rəsmi məlumatına əsasən, bu Avropa birinciliyi tarixində ən böyük turnir olub.
Kickboxing.az saytının məlumatına görə, 23 idmançı ilə ölkəmizi təmsil edən milli komandamız ciddi rəqabətə baxmayaraq, əzmkarlıqla mübarizə apararaq 4 qızıl, 7 qümüş və 12 bürünc medal qazanmışdır. Ramil Həsənov (71 kq), Zaur Ramazanov (71 kq), Kamran Orucov (54 kq) və Ramiz Məmmədov (54 kq) bütün rəqiblərinə qalib gələrək fəxri kürsünün ən yuxarı pilləsinə yüksəlmişlər. Yeri gəlmişkən qeyd edək ki, Ramil Həsənov bundan əvvəl 3 dəfə dünya, bir dəfə isə Avropa çempionu olub.

İ.RÜSTƏMOV, "Xalq qəzeti"