Dünən Ankarada Avropa çempionatının yarımfinal görüşlərində döyüşmüş Azərbaycanın üç boksçusundan ikisi bu səddi də uğurla dəf edərək, finala çıxmış və ən azı gümüş medalları özlərinə təmin etmişlər.
Salman Əlizadə (49 kq) ingiltərəli Çarli Edvards üzərində qələbə qazanmışdır. Finalda həmvətənimizin rəqibi rusiyalı Belik Qalanov olacaq.
Teymur Məmmədov da (91 kq) komanda yoldaşından geri qalmamışdır. O, Almaniya boksçusu Yohan Vitti məğlubiyyətə uğratmışdır. Qitə çempionu adı uğrunda həlledici görüşdə Məmmədov bolqar Tervel Pulev ilə görüşəcək.
Heybətulla Hacıəliyev (64 kq) isə çıxışlarını bürünc mükafatla başa vurmuşdur. Boksçumuz yarımfinalda Raymond Molleteyə (İrlandiya) uduzmuşdur.

Oqtay BAYRAMOV, "Xalq qəzeti"