UEFA Avropa çempionatı-2012-nin seçmə yarışları çərçivəsində iyunun 7-də Azərbaycan və Almaniya komandaları arasında keçiriləcək görüşün hakimlərini elan etmişdir. Bu oyunda ədaləti qorumaq yunanıstanlı Mixail Koukoulakisə həvalə olunmuşdur. Ona həmvətənləri kömək edəcəklər.
Xatırladaq ki, Azərbaycan-Almaniya görüşü Tofiq Bəhramov adına Respublika stadionunda keçiriləcək və saat 22-də başlanacaqdır. Bu oyundan dörd gün əvvəl, iyunun 3-də isə yığmamız Astanada Qazaxıstan komandasının qonağı olacaq.

Heç kim hesabda irəli çıxa bilmir
Kazanda (Rusiya) keçirilən iddiaçıların dünya şahmat tacı uğrunda turnirinin final matçında rəqiblərdən heç biri hesabda irəli çıxa bilmir. İlk iki oyunda heç-heçəyə razılaşan Aleksandr Qrişuk (Rusiya) və Boris Gelfand (İsrail) üçüncü-dördüncü və beşinci görüşlərdə də hərəyə yarım xalla kifayətlənmişlər.
Beş oyundan sonra matçda hesab heç-heçədir- 2,5:2,5.

Oqtay BAYRAMOV, "Xalq qəzeti"