Azərbaycan cüdoçusu Kifayət Qasımova Bakıda keçirilən beynəlxalq "Qran-Pri" turnirində yüksək ustalıq və əsl qələbə əzmi nümayiş etdirmişdir.
Tatami ustamız 57 kq çəki dərəcəsində fəxri kürsünün zirvəsinə aparan yolda hollandiyalı, almaniyalı, ispaniyalı, macarıstanlı rəqiblərinə qalib gəlmiş, həlledici final görüşündə isə Çin idmançısı Hyu Vanq üzərində inamlı qələbə qazanaraq qızıl medala sahib olmuşdur.
Bakı "Qran-Pri"sinin iştirakçıları bu turnirin medalları ilə yanaşı reytinq xalları uğrunda da mübarizə aparırlar. Qasımova indiki müvəffəqiyyəti sayəsində 200 xal qazanmış və gələn il Londonda keçiriləcək XXX Yay Olimpiya Oyunlarına lisenziya uğrunda mübarizədə öz imkanlarını xeyli yaxşılaşdırmışdır.