Gənclər arasında boks üzrə dünya çempionatının qaliblərinə mükafatların təqdim olunması mərasimində iştirak edən Azərbaycan Boks Federasiyasının prezidenti Kəmaləddin Heydərov yarışlarda 2 qızıl və 1 bürünc medal qazanmış boksçularımızın uğurlarından söz açaraq demişdir ki, bu medallar Azərbaycanda idmanın inkişaf etdiyini göstərir. Azərbaycan xalqının ümummilli lideri Heydər Əliyev idmana həmişə diqqət və qayğı göstərmişdir. İndi isə həmin diqqət və qayğını Prezident İlham Əliyev göstərir. Bu da öz nəticələrini verir. Elə bu yaxınlarda güləş üzrə Avropa çempionatında da Azərbaycan idmançıları əla nəticələr göstərmişlər.
Xatırladaq ki, Bakıda keçirilən güləş üzrə Avropa çempionatında Azərbaycan idmançıları 7 qızıl, 2 gümüş və 1 bürünc medal qazanmışlar.
AzərTAc{nl}