Rusiya şahmatçısı, keçmiş dünya çempionu Vladimir Kramnik ümummilli lider Heydər Əliyevin xatirəsinə həsr olunmuş "Prezident kuboku" uğrunda şahmat turnirinin qalibi adını qazanmışdır.
Mötəbər turnirin rapid (sürətli) mərhələsinin sonunda V.Kramnik, Ş.Məmmədyarov və Q.Kamski 5 xalla 1-3-cü yerləri bölüşmüşdür. Daha sonra iştirakçıların əmsalları hesablanmış və Vladimir Kramnik əlavə göstəricilərə görə rəqiblərini qabaqlayaraq sürətli şahmat turnirinin qalibi olmuşdur. Əlavə göstəricilərə görə ikinci pilləni millimizin lideri Şəhriyar Məmmədyarov, üçüncü yeri isə Qata Kamski tutmuşdur.
Beləliklə, Vladimir Kramnik (5 xal) 1-ci, Şəhriyar Məmmədyarov (5xal) 2-ci, Qata Kamski (5 xal) 3-cü, Teymur Rəcəbov (3,5 xal) 4-cü, Emil Sutovski (3 xal) 5-ci, Yudit Polqar (3 xal) 6-cı, Rauf Məmmədov (2 xal) 7-ci, Qədir Hüseynov (1,5 xal) 8-ci yerə çıxmışlar.
AzərTAc{nl}