UEFA Çempionlar Liqası turnirinin üçüncü təsnifat mərhələsində mübarizəni kim davam etdirəcək – Azərbaycan çempionu  “Qarabağ”, yoxsa Albaniya təmsilçisi “Kukesi”? Futbol pərəstişkarlarımız onları çox  maraqlandıran bu suala sabah axşam cavab alacaqlar.

Bir həftə əvvəl Şkodere şəhərində keçirilmiş ilk oyunda  hesab açılmayıb. İndi isə “Kukesi” Bakının qonağıdır. Tofiq Bəhramov adına Respublika stadionunda  ağdamlılarla albanların görüşünə sabah, avqustun  1-də saat 21-də start veriləcək.

Oyunu Peter Kraloviçin başçılığı ilə slovakiyalı  hakimlər briqadasının idarə edəcəyini də xatırladaq.

“Xalq qəzeti”