İyulun 27-29-da Zaqrebdə keçiriləcək cüdo üzrə Qran-pri turnirini sentyabrda Bakıda  təşkil olunacaq dünya çempionatına hazırlığın bir mərhələsi də hesab etmək olar. Xorvatiya paytaxtında  yarışın mükafatları uğrunda 81 ölkədən 573 cüdoçu mübarizə aparacaq.

Zaqreb turnirinin iştirakçıları arasında  Azərbycanın da bir qrup tatami ustası olacaq. Qran-pridə ölkəmizi Nicat Şıxəlizadə,  Orxan Səfərov (hər ikisi 66 kq), Rüstəm Orucov, Hidayət Heydərov  (hər ikisi 73 kq), Məmmədəli Mehdiyev (90 kq), Elxan Məmmədov (100 kq), İrina Kindzerskaya (+78 kq) və başqaları təmsil edəcəklər.

“Xalq qəzeti”