Azərbaycan milli komandasının üzvü Qədir Hüseynov İspaniyada beynəlxalq şahmat turnirlərində zəfər yürüşünü inamla davam etdirir.

 

İyulun birinci yarısında Barbere-del-Valyes beynəlxalq turnirinin baş mükafatını qazanmış Hüseynov həmin yarışdan dərhal sonra Barselonaya yola düşmüş və orada da XX San-Marti turnirinin qalibi olmuşdur.

Qrossmeysterimiz 9 mümkün ­xaldan 7,5 xal toplayaraq (6 qələbə,

3 heç-heçə) ikinci-üçüncü yerləri tutmuş perulu Xose Martines və Kuba təmsilçisi Luis Agueronu yarım xal qabaqlamışdır.

Ardıcıl iki turnirdə zirvəni fəth edən Hüseynov indi isə İspaniyanın başqa bir şəhəri –Sitjesdə 104 rəqibin iştirakı ilə keçirilən turnirdə mübarizəyə başlamış və ilk üç turda üç qələbə qazanmışdır. Belə uğurlu start Qədiri turnir cədvəlində 3 xalla vahid lider mövqeyinə yüksəltmişdir. Doqquz turdan ibarət turnirdə dünən dördüncü turun görüşləri keçirilmişdir.

Oqtay BAYRAMOV,

“Xalq qəzeti”