Azərbaycan ağırlıqqaldıranları İtaliyanın Milan şəhərində keçirilən 15-17 yaşadək oğlan və qızlar arasında  Avropa birinciliyində uğurla çıxış edirlər. Təmsilçilərimiz növbəti qələbəni 15 yaşlı oğlanların yarışında  bayram etmişlər.

Bu barədə idman.com.az saytının məlumatında  bildirilir ki, həmin yaş qrupunda  Murad Əliyev 62 kq çəki dərəcəsində  birdən və təkanla ağırlıq qaldırmada müvafiq surətdə 100 və 118 kq nəticə ilə birinci yeri tutmuş, iki hərəkətin cəmində isə  218 kq nəticə ilə yenidən fəxri kürsünün zirvəsinə yüksəlib Avropa birinciliyinin qızıl medalına sahib olmuşdur.

“Xalq qəzeti”