Bədii gimnastika ustalarımız Aliyə Qarayeva, Anna Qurbanova və Samirə Mustafayeva bu günlər Fransanın qonağıdırlar. Təmsilçilərimiz Tye şəhərində keçirilən "Qran-Pri" yarışlarının üçüncü mərhələsində çıxış edirlər.
Dünən turnir iştirakçıları çoxnövçülükdə qüvvələrini sınamışlar, bu gün isə ayrı-ayrı təmrinlər üzrə (halqa, top, lent, gürzlər) final yarışları keçiriləcəkdir.
Xatırladaq ki, bədii gimnastlarımızı bu il daha bir neçə mötəbər yarış, o cümlədən mayda Minskdə Avropa çempionatı və sentyabrda Fransanın Monpelye şəhərində dünya çempionatı gözləyir. Dünya çempionatı xüsusilə mühüm əhəmiyyət kəsb edəcək. Onun iştirakçıları təkcə medallar uğrunda yox, həm də London Olimpiadası - 2012-yə lisenziya uğrunda mübarizə aparacaqlar.

Oqtay BAYRAMOV, "Xalq qəzeti"