UEFA Avropa Liqası turnirinin birinci təsnifat mərhələsinin ikinci raundunda Azərbaycan klublarının oyunlarını idarə edəcək hakimlər artıq məlumdur.

İyulun 19-da Macarıstanda keçiriləcək “Uypeşt”–“Neftçi” görüşü Anastasios Papapetrunun başçılığı ilə yunanıstanlı hakimlər briqadasına həvalə olunmuş, Lüksemburqda “Proqres”–“Qəbələ” matçını Şimali İrlandiya Futbol Federasiyasının nümayəndələri idarə edəcək (baş hakim rolunda Keyt Kennedi çıxış edəcək), Maltada “Baltsan”–“Keşlə” görüşündə isə ədaləti Mixail Vilkov və onun rusiyalı həmvətənləri qoruyacaqlar.

Xatırladaq ki, mərhələnin ilk oyunlarında “Neftçi” qələbə qazanmış (3:1), “Qəbələ” və “Keşlə” isə müvafiq surətdə 0:2 və 1:4 hesabı ilə uduzmuşlar.

“Xalq qəzeti”