Ötən həftə İspaniyada 41-ci Barbera-del-Valyes festivalının “A” qrupunun qalibi olmuş azərbaycanlı qrossmeyster Qədir Hüseynov indi də Barselonada XX San-Marti turnirində mübarizə aparır.

Milli komandamızın üzvü 120 rəqibin çıxış etdiyi bu yarışda reytinqə görə iştirakçıların siyahısında birincidir. Hüseynov ilk üç turda İspaniya, Kolumbiya və Rusiya şahmatçılarına qalib gələrək liderlər qrupunda irəliləyir.

Doqquz turdan ibarət turnirdə bu gün dördüncü raundun görüşləri keçiriləcəkdir.

“Xalq qəzeti”