Parisdə Grand Chess Tour seriyasından ikinci mərhələnin rapid turnirinin ilk üç turunun görüşləri keçirilmişdir.

Şəhriyar Məmmədyarov hindistanlı Vişvanatan Anand ilə heç-heçə oynamış, Uesli Soya (ABŞ) qalib gəlmiş, Vladimir Kramnikə (Rusiya) uduzmuş və 3 xal toplamışdır (bir daha xatırlatmaq istərdik ki, bu yarışda qələbəyə 2, heç-heçəyə 1 xal verilir).

Bu günə təyin edilmiş növbəti üç turda azərbaycanlı qrossmesyter Levon Aronyan (Ermənistan), Sergey Karyakin (Rusiya) və Fabiano Karuana (ABŞ) ilə görüşəcək.

“Xalq qəzeti”