İspnaiyanın Baş naziri Pedro Sançes ümid edir ki, onun ölkəsinin komandası futbol üzrə dünya çempionatının qalibi olacaq.

Rusiyanın “Novosti” İnformasiya Agentliyinin bu barədə yaydığı xəbərdə bildirilir ki, Pedro Sançes Baş nazir vəzifəsinə təsdiq olunduqdan sonra TVE dövlət televiziyasına müsahibəsində demişdir: “Allah eləsin, İspaniya dünya çempionu olsun. Bu, məzuniyyətlər ərəfəsində ispan cəmiyyəti üçün bir töhfə olardı...”

Xatırladaq ki, İspaniya millisi mundiala Portuqaliya komandasına qarşı heç-heçə ilə başlamış (3:3), bu gün İran yığması ilə oynayacaq, iyunun 25-də qrup mərhələsinin son görüşündə isə Mərakeşə rəqib olacaq.

“Xalq qəzeti”