Bu gün, iyunun 15-də futbol üzrə dünya çempionatında üç oyun keçiriləcəkdir.  Yekaterinburqda “A” qrupunda çıxış edən Misir və Uruqvay komandaları görüşəcəklər. Bakı vaxtı ilə saat 16-da başlanacaq oyunu hollandiyalı hakim Byorn Keypers idarə edəcək.

 

İki görüşdə isə “B” qrupunda yarışan rəqiblər üz-üzə gələcəklər. Saat 19-da Sankt-Peterburqda İran–Mərakeş matçına start veriləcəkdir. FİFA bu oyunun hakimliyini türkiyəli Cüneyt Çakıra həvalə etmişdir.

Soçidə keçiriləcək Portuqaliya–İspaniya görüşü xüsusi maraqla gözlənilir. Hər iki komanda çempionata yüksək iddialarla gəldiyini elə ilk oyunda sübuta yetirmək əzmindədir. Bu görüşdə topa ilk zərbə saat 22-də endirilcək. Oyunda ədaləti İtaliya Futbol Federasiyasının nümayəndəsi Canluka Rokki qoruyacaq.

Oqtay BAYRAMOV, 

“Xalq qəzeti”