Ria Novosti-nin  yaydığı  xəbərə görə,  Moskvanın  “Spartak”  komandasının sabiq  qapıçısı, 1988-ci  il Avropa  çempionatının  gümüş  mükafatçısı Rinat  Dasayev “Sputnik”ə  müsahibəsində  demişdir ki, Rusiya  komandası  ilkin mərhələdə  qrupdan çıxacaq,  finalda  isə Almaniya və Braziliya  futbolçuları  görüşəcəklər:

“Düşünürəm ki,  hər  şeydən əvvəl,  biz  qrupdan çıxmalıyıq. Və  biz  hökmən  qrupdan çıxacağıq.  Sonrası isə  hər  şey  rəqibdən  asılı olacaq.  Məncə,  finalda  almanlar  və  braziliyalılar  görüşəcəklər. Kimin qalib  gələcəyini isə bilmirəm.  Özümüzünkülərə və  ispanlara  azarkeşlik edəcəyəm.  Onları hesabdan silmirəm”.

R.Dasayevin  fikrincə, İspaniya  çox  yaxşı  formadadır  və  onun  heyətinə  güclü oyunçular  seçilib.

“Xalq qəzeti”