Azərbaycanlı qrossmeyster Şəhriyar Məmmədyarov Norveçin Stavanger şəhərində keçirilən superturnirdə çıxışlarına fransız Maksim Vaşye-Laqrava qarşı görüşdə heç-heçə ilə başlamışdır.

Hikaru Nakamura (ABŞ)–Din Lijen (Çin), Uesli So (ABŞ)–Sergey Karyakin (Rusiya), Vişvanatan Anand (Hindistan)–Levon Aronyan (Ermənistan) görüşlərində də rəqiblər hərəyə yarım xal qazanmışlar. Təkcə dünya çempionu Maqnus Karlsen (Norveç) noyabrda Londonda tac uğrunda matçda onun rəqibi olacaq Fabiano Karuananı (ABŞ) məğlubiyyətə uğrada bilmişdir.

Bu gün keçiriləcək ikinci turda Məmmədyarov qara fiqurlarla Karyakinə qarşı oynayacaq.

“Xalq qəzeti”