Mayın 21-də Moskvada 10-cu “Alina” beynəlxalq gimnastika festivalına start  verilmişdir. Festivalın keçirilməsinin təşəbbüsçüsü  Olimpiya çempionu, dəfələrlə dünyanın  və  Avropanın mütləq çempionu əfsanəvi Alina  Kabayevadır.

Bu  barədə azerisport-un  məlumatında həmçinin  bildirilir ki, Rusiya  paytaxtında  idman bayramına Azərbaycanın  qrup hərəkətləri komandası  da  dəvət edilmişdir. Bu komanda 3 top və  2 iplə  təmrini  icra edəcək.

Xatırladaq ki, Siyana  Vasilyeva, Aliyə Paşayeva, Ayşən Bayramova, Diana Doman və Zeynəb Hümmətovadan ibarət komanda   Moskvaya səfər  ərəfəsində Portuqaliyanın  Portimao şəhərində Dünya Kuboku  yarışında  bir dəst medal qazanmışdır.

“Xalq qəzeti”