Sumqayıt Olimpiya İdman Kompleksində yeniyetmə boksçular arasında beynəlxalq “Heydər Əliyev Kuboku – 2018” turniri başa çatmışdır. Yarışda rinq sahiblərinin qonaqları Rusiya, Qazaxıstan, Ukrayna, Gürcüstan və Qırğızıstan idmançıları olmuşlar.

Ənənəvi turnirdə ən yaxşı nəticəni Azərbaycan boksçuları göstərmişlər. Onlar 17 medal – 5 qızıl, 5 gümüş və 7 bürünc mükafat qazanmışlar.

Azərbaycan bu göstərici ilə komanda hesabında birinci olmuşdur. Qazaxıstan nümayəndələri 16 medalla (5+5+6) ikinci yeri tutmuşlar. Ukrayna boksçuları 2 qızıl, 2 gümüş və 5 bürünc mükafatla turniri üçüncü pillədə başa vurmuşlar.

Yarışın təşkilatçıları ən yaxşı texnika nümayiş etdirmiş boksçunu da müəyyənləşdirmişlər. Bu, 60 kq çəki dərəcəsində qızıl medal qazanmış Azərbaycan komandasının üzvü Eldar Babayevdir.

Oqtay BAYRAMOV,
“Xalq qəzeti”