Slovakiyanın Visokiye Tatrı  şəhərində  keçirilən qadınlar  arasında şahmat  üzrə  şəxsi Avropa  çempionatının üçüncü  turunda  Azərbaycan  təmsilçilərindən  Zeynəb  və Türkan Məmmədyarovalar  qələbəyə  sevinmişlər.

Bacılar  müvafiq  surətdə  çexiyalı  Tereza Rodtşteynə və  Almaniya şahmatçısı Marta Miçnaya  qalib  gəlmişlər.

Start  turlarında  ardıcıl  iki qələbə qazanmış Günay Məmmədzadə bu  dəfə ukraynalı  keçmiş  dünya çempionu Mariya Muziçukla  heç-heçəyə  razılaşmışdır.

Üç  turdan sonra 2,5  xala  malik Məmmədzadə əvvəlkitək  liderlər  qrupundadır. Məmmədyarovaların 2, Gülnar  Məmmədovanın 1,5,  Ülviyyə Fətəliyeva və  Xanım  Balacayevanın 1 xalı  var.

Turnir  cədvəlinə   başçılıq  edən gürcüstanlı Nana Dzaqnidze  və litvalı Deymante Kornett  isə  3  xal  toplamışlar.

O.BAYRAMOV,

“Xalq qəzeti”