Klublar arasında icarə müqavilələrinin qadağan edilməsini nəzərdən keçirən Beynəlxalq Futbol Federasiyası (FIFA) bunun üçün yeni komissiya yaradıb. Yeni yaradılmış komissiyada  transfer sisteminin islahatları müzakirə ediləcək.

Komissiyaya Beynəlxalq Oyunçuların Həmkarlar İttifaqı, Avropa Klubları Assosiasiyası, FIFA, həmçinin keçmiş oyunçular Kafu, Zvonimir Boban, Edvin van der Sar və Marko van Basten daxildir.

İcarə gənc futbolçuların klublarda inkişafına kömək edəcək bir vasitə kimi qəbul olunsa da, FIFA hesab edir ki, hazırda klublar transfer sistemini şəxsi maraqları üçün istifadə edirlər.

Cari mövsümdə “Yuventus” 41, “Udineze” 27, “Çelsi” 22 və “Mançester Siti” 18 oyunçu icarəyə verib.

Rövşən ATAKİŞİYEV,
“Xalq qəzeti”