RİA Novosti-nin yaydığı xəbərə görə Uruqvay milli futbol komandasının keçmiş hücumçusu Dieqo Forlan bildirmişdir ki, Uruqvay yığmasının Rusiyada 2018-ci il dünya çempionatında çıxış edəcəyi qrup mürəkkəb qrup deyil, buna baxmayaraq, komanda ehtiyatla oynamalıdır.

D. Forlan daha sonra demişdir ki, istər gənc oyunçularımız, istərsə də böyük təcrübəsi olan futbolçularımız yaxşı idman formasındadırlar və biz bu çempionatda əla nəticəyə ümid edirik.

Uruqvay tarixində ən məşhur futbolçulardan olan Forlan belə bir fikir də söyləmişdir ki, Almaniya, Braziliya və İspaniya yığmaları qalan komandalardan “bir pillə yuxarıda dayanır”. O, həmçinin hesab edir ki, Fransa, Uruqvay, Argentina, Meksika və Belçika komandaları da qələbəyə layiqli namizədlərdir.

“Xalq qəzeti”