Üç gün ərzində Antalyada keçirilmiş Qran-pri turnirində  Azərbaycan cüdoçularının qazancı 1 qızıl və 3  bürünc  medal  olmuşdur.

Komandamıza ən yüksək  mükafatı 100 kq  çəki  dərəcəsində  çıxış  edən Zelim Kotsoyev  qazandırmışdır. Tatami  ustamız  ilkin mərhələlərdə  Koreya  və  Özbəkistan cüdoçularına, dörddəbir  finalda  irlandiyalı  rəqibinə, yarımfinalda Niyaz  İlyasova (Rusiya), həlledici  final  görüşündə isə  digər  rusiyalı Arman Adamyana qalib  gəlmişdir.

Bürünc medallar Hidayət Heydərov (73 kq), Məmmədəli Mehdiyev və  Tural Səfquliyevə (hər ikisi 90 kq)  təqdim olunmuşdur.

“Xalq qəzeti”