Almaniyada davam edən GRENKE Chess Klassik beynəlxalq turnirinin altıncı turunda Azərbaycan şahmatçısı Arkadi Naydiç qara fiqurlarla Georq Mayerə (Almaniya) qalib  gələrək bu  yarışda  ilk qələbəsini qazanmışdır.

Altı turdan sonra  təmsilçimizin 2,5  xalı  var. Turnir cədvəlinə isə hərəyə  4 xala  malik  fransız Maksim Vaşye-Laqrav,  rusiyalı Nikita Vityuqov və Fabiano Karuana (ABŞ) başçılıq edirlər.

Bu  gün keçiriləcək yeddinci turda Naydiç norveçli dünya  çempionu Maqnus Karlsen ilə görüşəcək.

“Xalq qəzeti”